Turkiyaning Suriyadagi hujumkor operatsiyasi — jiddiy progress. Bunday fikrni Oq uy rasmiy vakili Josh Ernest Vashingtondagi matbuot anjumanida ma’lum qildi, deb yozadi “Interfaks”.
Uning so‘zlariga ko‘ra, AQSh Anqarani ko‘p bora “Turkiya-Suriya chegarasini yopish bo‘yicha qat’iy xatti-harakatlarga” undagan. Xususan, ushbu masala AQSh va Turkiya prezidentlari Barak Obama va Rajab Toyyib Erdo‘g‘onning ikki tomonlama uchrashuvida muhokama qilingan.
Associated Press ma’lumotlariga ko‘ra, Suriyaning Jarablus shahrini terrorchilardan ozod qilish bo‘yicha operatsiya rejasini ishlab chiqishda Turkiyaga aynan Amerika harbiy maslahatchilari yordam bergan.
24-avgust, chorshanba kuni, Turkiya OAVlari ma’lumotlariga ko‘ra, Anqara Suriya shimolidagi Jarablus shahrini IShID jangarilaridan tozalash operatsiyasini boshladi. Operatsiya chog‘ida Turkiya artilleriyasi shaharga yopirilma zarbalar berdi, Suriya bilan chegaraga tanklar joylashtirildi. Ayni paytda shaharning bir qismi Turkiya qo‘llab-quvvatlaydigan Suriya muxolifatchilari nazorati ostiga o‘tgan.
Izoh (0)