Ким Чен Ин КХДР сув ости кемасидан амалга оширилган ракета парвозини «катта ютуқ» деб атади. «ТАСС» ёзишича, КХДР раҳбари ракета учирилишини шахсан кузатиб турган.
Ким Чен Ин, шунингдек, мудофаа саноатида ишлайдиган олимлар ва технологларни ядровий каллаклар ташувчи воситаларни ривожлантиришга эътибор қаратишга чақирди.
Корея Меҳнат партияси ва Давлат кенгаши раиси АҚШ ва унинг тарафдорларини «Корея халқ армиясининг ҳалокатли зарбасидан қочиш учун КХДР хавфсизлигига раҳна соладиган хатти-ҳаракатлардан воз кечиш лозимлиги» ҳақида огоҳлантирди.
Ким Чен Ин қаттиқ ёқилғили двигатель билан жиҳозланган ракетани яратишда иштирок этган олимлар ва технологларга миннатдорлик билдирди ва улар билан бирга суратга тушди.
Аввалроқ КХДР сув ости кемасидан баллистик ракета учиргани маълум қилинди. Япония мудофаа вазирлиги маълумотларига кўра, ракета тахминан 500 км масофага учиб, Япон денгизига қулади. У биринчи марта мамлакат ҳаво ҳужумига қарши мудофаа идентификация ҳудуди ичкарисига 80 километргача кирди.
Изоҳ (0)