Erdo‘g‘on: Turkiya Rossiya bilan munosabatlardagi yangi bosqichni ko‘tarinki ruh bilan boshlamoqchi

Turkiya Rossiya bilan munosabatlarning yangi bosqichini ko‘tarinki ruh bilan boshlamoqchi. Bu haqda mamlakat prezidenti Rajab Toyyib Erdo‘g‘on RTL telekanali efirida ma’lum qildi, deb yozadi “TASS”.

“Biz harbiy, siyosiy, iqtisodiy, madaniy sohalarda, sayyohlik sohasida, turli yo‘nalishlarda yangi bosqichni ko‘tarinki ruh bilan boshlashni istaymiz”, — dedi u 9-avgust kuni Sankt-Peterburgda Rossiya prezidenti Vladimir Putin bilan bo‘lib o‘tgan uchrashuvni izohlar ekan.

Erdo‘g‘on davlat to‘ntarishiga urinishlardan keyin G‘arb siyosatchilaridan deyarli hech kim Turkiyaga tashrif buyurmaganidan biroz darg‘azab ekanligini ta’kidladi. “Afsuski, bu shunday”, — dedi u.

Prezident Anqara Gretsiyadan suriyalik qochoqlarni qabul qilishi evaziga, Yevroittifoq turkiyalik fuqarolar uchun vizalarni bekor qilishga va’da berganini eslatdi.

NATO bilan munosabatlar haqida gapirar ekan, Erdo‘g‘on Anqarada alyans bilan muammolar yo‘qligini aytdi, ammo Turkiya, uning so‘zlariga ko‘ra, Suriya hududida amalga oshirilayotgan hujumlar nuqtai nazaridan, o‘zini “taqdir hukmiga tashlab qo‘yilgan”dek his qilmoqda.