Yekaterinburg politsiyasi rahbari Igor Trifonov qo‘p qavatli uydan qulab tushgan 4 yoshli qizni tutib olgan elektr montajchi Aleksandr Prodovikovni taqdirladi. Bu haqda IIV Sverdlovsk viloyati boshqarmasi rasmiy vakili Valeriy Gorelix ma’lum qildi, deya xabar beradi “TASS”.
“Polkovnik Trifonov jiddiy shikastlanish olish xavfiga qaramay, bolani halok bo‘lishdan saqlab qolgan Aleksandr Prodovikovning dadil va shijoatli harakatlariga e’tibor qaratdi. Unga esdalik sovg‘asi va tashakkurnoma topshirildi”, — deya ta’kidladi rasmiy vakil.
Eslatib o‘tamiz, oldinroq Rossiyaning Yekaterinburg shahrida 8-qavat deraza tokchasiga chiqqan qizchani tashqarida iti bilan sayr qilib yurgan erkak ko‘rib qolgani va pastga boshi bilan qulagan bolani tutib olgani haqida xabar berilgandi.
Izoh (0)