Туркия Россия билан муносабатларнинг янги босқичини кўтаринки руҳ билан бошламоқчи. Бу ҳақда мамлакат президенти Ражаб Тоййиб Эрдўғон RTL телеканали эфирида маълум қилди, деб ёзади «ТАСС».
«Биз ҳарбий, сиёсий, иқтисодий, маданий соҳаларда, сайёҳлик соҳасида, турли йўналишларда янги босқични кўтаринки руҳ билан бошлашни истаймиз», — деди у 9 август куни Санкт-Петербургда Россия президенти Владимир Путин билан бўлиб ўтган учрашувни изоҳлар экан.
Эрдўғон давлат тўнтаришига уринишлардан кейин Ғарб сиёсатчиларидан деярли ҳеч ким Туркияга ташриф буюрмаганидан бироз дарғазаб эканлигини таъкидлади. «Афсуски, бу шундай», — деди у.
Президент Анқара Грециядан суриялик қочоқларни қабул қилиши эвазига, Евроиттифоқ туркиялик фуқаролар учун визаларни бекор қилишга ваъда берганини эслатди.
НАТО билан муносабатлар ҳақида гапирар экан, Эрдўғон Анқарада альянс билан муаммолар йўқлигини айтди, аммо Туркия, унинг сўзларига кўра, Сурия ҳудудида амалга оширилаётган ҳужумлар нуқтаи назаридан, ўзини «тақдир ҳукмига ташлаб қўйилган»дек ҳис қилмоқда.
Изоҳ (0)