Rio—2016 Olimpiadasidagi dastlabki ikki jangni o‘z foydasiga hal qilib, yarim finalga qadar yetib kelgan o‘zbekistonlik bokschi Rustam To‘laganov final uchun rossiyalik Yevgeniy Tishchenkoga qarshi ringga ko‘tarildi.
91 kilogrammgacha bo‘lgan sportchilar o‘rtasidagi musobaqadagi uchinchi jangini To‘laganov birinchi raundni boy berish bilan boshladi. Ikkinchi raundda birinchisiga qaraganda yaxshiroq harakat qilgan bo‘lsa-da, hakamlar rossiyalik sportchining g‘alabasini qayd etdi va yakunda ham Tishchenko g‘olib deb topildi.
Rustam To‘laganov 1/8 finalda ekvadorlik Julio Sezar Kastilyoni, chorak finalda esa ozarbayjonlik Abdulqodir Abdullayevni mag‘lub etishga muvaffaq bo‘lgandi.
O‘zbekistonlik bokschining bronzasi mamlakat delegatsiyasi uchun uchinchisi bo‘ldi. Unga qadar dzyudochilardan Diyorbek O‘rozboyev hamda Rishod Sobirov ham bronza medali bilan taqdirlangandi.
Izoh (0)