AQSh Germaniyaga joylashtirilgan atom qurolini modernizatsiya qilmoqchi, deb yozadi “Vedomosti” Der Spiegel’ga tayanib.
Nashr ma’lumotlariga ko‘ra, AQSh prezidenti Barak Obama o‘z vakolatlari muddati tugashi arafasida atom bombalari modernizatsiyasini tasdiqladi. 2020-yildan AQSh B61-12 turidagi yangi bombalarni seriyali ishlab chiqarishni yo‘lga qo‘yadi. Ushbu bombalar Byuxeldagi aviabazaga joylashtiriladi.
Der Spiegel aniqlik kiritishicha, ayni paytda u yerda AQShga tegishli atom kallaklariga ega 10 tdan 20 tagacha raketa bor. Texnik jihatdan, ularni Germaniyaning Tornado bombardimonchi-qiruvchi samolyotlari ishlatishi mumkin.
2010-yil martida germaniyalik deputatlar ko‘pchilik ovoz bilan hukumatga AQSh bilan Amerika atom qurolini Germaniya hududidan olib chiqib ketish haqidagi muzokaralar uchun vakolat bergan edi. Ammo Germaniya hukumati o‘shanda NATO bo‘yicha sheriklar bilan kelishmagan holda bir tomonlama harakat qilinmasligini aytgan edi.
Izoh (0)