АҚШ Германияга жойлаштирилган атом қуролини модернизация қилмоқчи, деб ёзади «Ведомости» Der Spiegel’га таяниб.
Нашр маълумотларига кўра, АҚШ президенти Барак Обама ўз ваколатлари муддати тугаши арафасида атом бомбалари модернизациясини тасдиқлади. 2020 йилдан АҚШ B61-12 туридаги янги бомбаларни серияли ишлаб чиқаришни йўлга қўяди. Ушбу бомбалар Бюхелдаги авиабазага жойлаштирилади.
Der Spiegel аниқлик киритишича, айни пайтда у ерда АҚШга тегишли атом каллакларига эга 10 тдан 20 тагача ракета бор. Техник жиҳатдан, уларни Германиянинг Tornado бомбардимончи-қирувчи самолётлари ишлатиши мумкин.
2010 йил мартида германиялик депутатлар кўпчилик овоз билан ҳукуматга АҚШ билан Америка атом қуролини Германия ҳудудидан олиб чиқиб кетиш ҳақидаги музокаралар учун ваколат берган эди. Аммо Германия ҳукумати ўшанда НАТО бўйича шериклар билан келишмаган ҳолда бир томонлама ҳаракат қилинмаслигини айтган эди.
Изоҳ (0)