Екатеринбург полицияси раҳбари Игорь Трифонов қўп қаватли уйдан қулаб тушган 4 ёшли қизни тутиб олган электр монтажчи Александр Продовиковни тақдирлади. Бу ҳақда ИИВ Свердловск вилояти бошқармаси расмий вакили Валерий Горелих маълум қилди, дея хабар беради «ТАСС».
«Полковник Трифонов жиддий шикастланиш олиш хавфига қарамай, болани ҳалок бўлишдан сақлаб қолган Александр Продовиковнинг дадил ва шижоатли ҳаракатларига эътибор қаратди. Унга эсдалик совғаси ва ташаккурнома топширилди», — дея таъкидлади расмий вакил.
Эслатиб ўтамиз, олдинроқ Россиянинг Екатеринбург шаҳрида 8-қават дераза токчасига чиққан қизчани ташқарида ити билан сайр қилиб юрган эркак кўриб қолгани ва пастга боши билан қулаган болани тутиб олгани ҳақида хабар берилганди.
Изоҳ (0)