Grenlandiya qutb akulalari Yer yuzidagi eng uzoq umr ko‘ruvchi umurtqali jonzot bo‘ldi. Ularning eng kattasi 400 yoshda. Bu haqda daniyalik olimlarning Science jurnalida chop etilgan hisobotida ma’lum qilindi, deb xabar bermoqda “RBK”.
Akulalarning yoshini aniqlash uchun olimlar ularning 28 tasini tadqiq qildi. Ularning aksariyati baliq ovlash to‘riga tushishi bilan halok bo‘ldi. Radiouglerod tahlili akulalar yiliga atigi 1 santimetrga o‘sishini, ularning jinsiy yetukligi esa 150 yoshida bo‘lishini aniqladi.
“Avvaliga biz noodatiy jonivorlar bilan ish olib boryapmiz deb o‘yladik, ammo akulalarning qariligi bizni hayratga soldi”, – dedi Kopengagen universiteti biologi Yuliy Nilsen.
Bungacha umurtqali jonzotlar orasida eng yoshi kattasi Grenlandiya kiti sanalgan. U 211 yoshda deb hisoblangan.
Yer yuzidagi eng uzoq umr ko‘ruvchi jonzot esa 507 yoshli Min mollyuskasi sanaladi.
Izoh (0)