Abduvosit Abdurazzoqov Toshkent viloyati IIBB boshlig‘i lavozimiga tayinlandi. Bu haqda 29-iyul kuni Toshkent viloyati hokimligi xabar qildi.
Abduvosit Abdurazzoqov yangi lavozimga ichki ishlar vazirining tegishli buyrug‘iga asosan tayinlangan. Polkovnik tayinlovga qadar Toshkent shahar IIBB boshlig‘i o‘rinbosari, Tergov boshqarmasi boshlig‘i vazifasini bajargan.
Avvalroq viloyat hokimi Zoir Mirzayev raisligida faollar, shahar va tumanlar hokimlari ishtirokida majlis o‘tkazilgani xabar qilingan. Tadbirda ichki ishlar vazirining lavozim o‘zgarishlariga doir buyrug‘i o‘qib eshittirilgan. Unga ko‘ra, Toshkent viloyati IIBB boshlig‘i lavozimida ishlab kelayotgan Tohir Aripov Samarqand viloyati IIBB boshlig‘i etib tayinlangan.
Tadbirda Tohir Aripov hududda jamoat xavfsizligini taʼminlash, tinchlik va osoyishtalikni mustahkamlash borasidagi samarali faoliyati uchun Toshkent viloyati hokimligining “Faxriy yorlig‘i” bilan taqdirlangan.
Izoh (0)