Ливия вакиллар палатаси БМТнинг мамлакатдаги вазиятни тинч йўл билан тартибга солиш учун турли қабилалар ўртасида музокаралар ўтказиш ҳақидаги таклифини қабул қилмади, дея хабар бермоқда «ТАСС» «Аш-Шарқ ал-Аусат» газетасига таяниб.
«Ливия парламенти БМТнинг Ливия бўйича махсус вакили Мартин Коблер мамлакатда вазиятни тинч йўл билан тартибга солиш учун қабилалараро музокаралар ўтказиш ҳақида илгари сурган ташаббусни рад этди», — деди парламент раҳбарининг биринчи ўринбосари Муҳаммад Шасиб.
Унинг сўзларига кўра, Коблер Афғонистондаги шундай музокара тажрибасини олиб келишни таклиф қилган, аммо биз (парламент депутатлари) бундай тажрибани Ливия шароитларида қўллаш мумкинлигига шубҳа қилдик». Шааиб аниқлик киритишича, масалан, Ливия пойтахти Триполи шаҳрида «қандайдир қабилалар ҳақида гапириш умуман қонунга тўғри келмайди».
Шу билан бирга, Шааиб Вакиллар палатаси томонлар позицияларини яқинлаштириш мақсадида халқаро доирада тан олинган ҳукумат билан ҳам, Триполининг тан олинмаган вазирлар маҳкамаси билан ҳам кўплаб музокаралар олиб бораётганини айтди.
Изоҳ (0)