AQShning Missuri shtatida yashovchi Joshua Nilli elektromobilidagi avtopilot tizimi hayotini saqlab qolgani uchun Tesla Motors kompaniyasidan minnatdor. Bu haqda “TASS” xabar bermoqda.
NBC telekompaniyasi ma’lumotlariga ko‘ra, Nilli Model X krossoverida ketayotganida o‘pka qon tomiri xuruji ro‘y beradi. Avtopilot mashinani shosse bo‘ylab yaqin oradagi kasalxonaga, 32,2 kilometr masofaga mustaqil ravishda olib bordi. Bu vaqt mobaynida haydovchi boshqaruvni qo‘lga olish va kerakli yo‘nalishga burilishni uddalay oladigan darajada o‘ziga keldi. U kasalxonaga yetib borib, shifokor qabuliga yozildi.
Ma’lumot uchun, Tesla Motors yuqori narx toifasidagi ikki model — Model S sedani va Model X krossoverini tayyorlamoqda. Kompaniya 2017-yili har biri 35 ming dollar va undan qimmat turadigan Model 3 ni turkum tariqasida ishlab chiqarishga kirishish niyatida.
Izoh (0)