O‘rta motorli komponovkaga ega bo‘ladigan yangi avlod Chevrolet Corvette prototipi “Imperator” kodli nomini oldi. Bu haqda kompaniyadagi manbaga tayanib, The Detroit News ma’lum qildi, deya xabar beradi Motor .
Turkum versiya ham ushbu nomni saqlab qolishi yoki yo‘qligi ma’lum emas. Hozirgi yettinchi avlod Corvette nafaqat C7 raqamli indeksi, balki Stingray (“Skat”) nomiga ham ega. Model 1960-yillardan beri ilk bor ikkinchi nomga ega bo‘ldi.
Manbaga ko‘ra, loyiha faol ishlab chiqish bosqichida, General Motors vitse-prezidenti Mark Roys esa uning asosiy tashabbuskori bo‘ldi. 2018-yil yanvarida Detroytdagi motorshouda yangi Corvette taqdimoti bo‘lib o‘tishi, 2019-yili esa sotuvi boshlanishi bildirilmoqda.