АҚШнинг Миссури штатида яшовчи Жошуа Нилли электромобилидаги автопилот тизими ҳаётини сақлаб қолгани учун Tesla Motors компаниясидан миннатдор. Бу ҳақда «ТАСС» хабар бермоқда.

NBC телекомпанияси маълумотларига кўра, Нилли Model X кроссоверида кетаётганида ўпка қон томири хуружи рўй беради. Автопилот машинани шоссе бўйлаб яқин орадаги касалхонага, 32,2 километр масофага мустақил равишда олиб борди. Бу вақт мобайнида ҳайдовчи бошқарувни қўлга олиш ва керакли йўналишга бурилишни уддалай оладиган даражада ўзига келди. У касалхонага етиб бориб, шифокор қабулига ёзилди.

Маълумот учун, Tesla Motors юқори нарх тоифасидаги икки модель — Model S седани ва Model X кроссоверини тайёрламоқда. Компания 2017 йили ҳар бири 35 минг доллар ва ундан қиммат турадиган Model 3 ни туркум тариқасида ишлаб чиқаришга киришиш ниятида.