Facebook’dagi “Voditeli Tashkenta” guruhida Toshkentning Shota Rustaveli ko‘chasida qarama-qarshi qatnov qismida bo‘lib o‘tgan quvlashmachoq videosi e’lon qilindi.
Video muallifining yozishicha, ikki militsiya Nexia’si va ikki Captiva yo‘ltanlamaslari bitta Matiz’ni quvlab, Isroilning O‘zbekistondagi elchixonasi joylashgan Abdulla Qahhor ko‘chasidan Shota Rustaveli ko‘chasiga chiqib kelgan va qarama-qarshi yo‘nalish bo‘ylab ta’qibni davom ettirgan. Matiz nima uchun quvlangani, ta’qibning oxiri nima bilan tugagani haqida ma’lumot yo‘q.
Foydalanuvchilarning qayd etishicha, bu huquq-tartibot idoralarining bayramoldi o‘quv-mashg‘ulot tadbirlaridan biri bo‘lishi mumkin. Guruh a’zolaridan biri hatto o‘quv-mashg‘uloti ssenariysini ham yozib qoldirgan:
“Mashg‘ulotlar shaharning gavjum ko‘chalarida o‘tkaziladimi? Yo‘l-transport hodisalari yuz bersa nima bo‘ladi?”, — degan savolga, mashg‘ulotlar ssenariysini yozib qoldirgan foydalanuvchi: “Mashg‘ulotdagi vaziyat imkon qadar haqiqiy holatga yaqinlashtirilgan, shu sababli ham oqshomda o‘tkazilmoqda”, — deb javob bergan.
Ayni vaqtda, ba’zi foydalanuvchilar: “Balki kino olishayotgandir?”, — deb hazilnamo savol tashlagan. Bunga javoban video muallifi: “U holda yagona operator o‘zim edimmi, deb qo‘rqaman”, — deb javob qaytargan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)