Google Play do‘konida yaqinda Uzbekistan Explorer Android-dasturi paydo bo‘ldi, deb yozadi “Mobinfo.uz”. Ishlab chiquvchilar so‘zlariga ko‘ra, bu “sizga O‘zbekistonga mahalliy fuqaro ko‘zi bilan qarash imkonini beruvchi to‘liq mualliflik va notijorat loyihasidir”.
Ta’kidlanishicha, dastur yordamida foydalanuvchi mustaqil ravishda mamlakatning eng qiziqarli manzilgohlariga tashrif buyurishi, milliy taomlardan bahramand bo‘lishi, qulay mehmonxonalarda dam olishi mumkin.
Dastur orqali quyidagi imkoniyatlarga ega bo‘lish mumkin:
- tarixiy yodgorliklar, mehmonxona va restoranlarning mualliflik fotosuratlarini offlayn rejimda tomosha qilish;
- har bir joy haqidagi mualliflik fikrlarini o‘qish;
- hayotiy vaziyatlarning ko‘pchiligi yuzasidan mahalliy aholi maslahatlaridan foydalanish;
- keng ko‘lamli so‘zlashgichdan foydalanish;
- bevosita dasturning o‘zidan Google Maps yordamida zarur manzillarni topish.
Izoh (0)