Uch nafar o‘zbekistonlik o‘quvchi Tbilisidagi Butunjahon kimyo olimpiadasida sovrindor bo‘ldi

Gruziya poytaxti Tbilisi shahrida 23-iyuldan 1-avgustga qadar o‘tkazilgan kimyo fani bo‘yicha 48-Butunjahon olimpiadasida 75 davlatdan uch yuzdan ortiq o‘quvchi qatnashdi. Bu haqda O‘zA xabar bermoqda.

Olimpiadada Toshkent pediatriya tibbiyot instituti qoshidagi Yunusobod akademik litseyi o‘quvchisi Sarvar Shoyunusov kumush, Samarqand davlat tibbiyot instituti qoshidagi 1-akademik litsey o‘quvchisi Jahongir Faxriyev va Toshkent tibbiyot akademiyasi qoshidagi akademik litsey o‘quvchisi Charos Omonova bronza medallarini qo‘lga kiritdi. 

Ular joriy yilning may oyida Rossiyada o‘tkazilgan kimyo fani bo‘yicha 50-xalqaro Mendeleyev olimpiadasida ham sovrindorlar safidan joy olgandi.