O‘zbekistonda so‘nggi bir necha kun davomida kuzatilgan nisbatan salqin ob-havodan so‘ng, havo harorati yana ko‘tariladi. Bu haqda “O‘zgidromet” markazi xabar bermoqda.
Xabar berishlaricha, 3-avgust, chorshanba kuniga o‘tar kechasi O‘zbekistonning tog‘li hududlarida havo harorati +10...+15 daraja, Toshkent shahrida +18...+20 daraja, Toshkent, Samarqand, Jizzax, Sirdaryo, Andijon, Namangan, Farg‘ona viloyatlarida +18...+23 daraja, qolgan joylarda +20...+25 daraja iliq bo‘ladi.
3-avgust kuni kunduzi tog‘li joylarda havo harorati +22...+27 daraja iliq bo‘ladi. Toshkent, Samarqand, Jizzax, Sirdaryo, Andijon, Namangan, Farg‘ona viloyatlari va Toshkent shaharlarida havo harorati +37 darajagacha, Qoraqalpog‘iston Respublikasi va Xorazm viloyatida +38 darajagacha, Buxoro, Navoiy, Qashqadaryo va Surxondaryo viloyatlarida esa +35...+40 darajagacha ko‘tariladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)