Moody’s Investors Service xalqaro reyting agentligi O‘zbekiston bank tizimi bo‘yicha barqaror prognozni saqlab qoldi, deb yozadi “Gazeta.uz”. Agentlik press-relizida aytilishicha, prognoz o‘zbek banklari faoliyati uchun operatsiya sharoitlari qulay bo‘lib qolishi haqidagi umidlarni aks ettiradi.
“Yaxshi diversifikatsiyalangan eksport daromadlariga ega iqtisodiyot o‘zbek banklari faoliyati uchun qulay muhitni yuzaga keltiradi, — dedi Moody’s agentligi katta vitse-prezidenti Olga Ulyanova. — Shu tufayli O‘zbekiston bank sektori qandaydir darajada qator MDH mamlakatlariga xos bo‘lgan o‘zgaruvchanlikdan himoyalangan”.
Moody’s agentligi qulay operatsiya sharoitlarida o‘zbek banklaridagi muammoli kreditlar ulushi prognoz davri (12—18 oy) mobaynida barqaror darajada: berilgan kreditlar umumiy hajmining 4—5 foizi darajasida qolishini kutmoqda. Bundan tashqari, reyting agentligi prognoz qilishicha, yaqin bir-bir yarim yil ichida sektordagi zarar yillik hisobda barcha berilgan kreditlarning o‘rtacha bir yillik hajmining 1,5 foizidan oshmaydi.
Izoh (0)