Andijon, Namangan va Farg‘ona 31-iyul kuni O‘zbekistonning yirik shaharlari orasida eng salqinlari bo‘ldi
O‘zbekiston viloyat markazlari va yirik shaharlari orasida 31-iyul, yakshanba kuni eng salqin havo Andijon, Namangan va Farg‘ona shaharlarida kuzatildi. “O‘zgidromet” ma’lumotiga ko‘ra (pdf), shu kuni Andijon va Namanganda maksimal havo harorati +28 darajagacha, Farg‘onada esa +29 darajagacha ko‘tarildi.
Shu kuni Samarqandda eng yuqori havo harorati +30 daraja, Jizzax shahrida +31 daraja, Guliston shahrida +32 daraja, Toshkent shahrida +33 daraja, Navoiy shahrida +34 daraja, Buxoro va Termiz shaharlarida +35 daraja, Qarshi shahrida +36 daraja, Nukus va Urganch shaharlarida esa +37 darajani tashkil etdi.
O‘zbekistonning tog‘li hududlarida havo harorati bundan ham salqinroq bo‘lgan. Xususan, Qamchiq dovonida 31-iyul kuni havo harorat +17 darajadan oshmagan bo‘lsa, Chimyon yon-bag‘irlarida eng yuqori harorat +21 darajani tashkil etgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
