Американинг Atlas V элтувчи ракетаси АҚШ Ҳарбий-космик разведкаси миллий бошқармаси сунъий йўлдошини орбитага олиб чиқди, деб ёзади «Интерфакс». Парвоз 28 июль куни эрталаб Флоридадаги Канаверал бурнидан амалга оширилди.
Сунъий йўлдошнинг ўзи ва унинг вазифаси ҳақида ҳеч нарса маълум эмас. Сунъий йўлдошни орбитага чиқариш бўйича шартнома имзоланган United Launch Alliance хусусий аэрокосмик компанияси аниқлик киритишича, у «миллий хавфсизлик» манфаатлари йўлида учирилган.
АҚШ Ҳарбий-космик разведкаси миллий бошқармаси 1961 йилда АҚШ разведка хизматининг «кўз ва қулоғи» сифатида ташкил қилинган. Космик махсус хизматларнинг мавжудлиги 1992 йилдагина ошкор бўлди.
Изоҳ (0)