Xitoyning Xiaomi kompaniyasi O‘zbekistonda sotilayotgan smartfonlari ro‘yxatini 6,44 dyuymli, 1920×1080 o‘lchamli IPS LCD ekranga ega Mi Max fableti bilan to‘ldirdi. Bu hozirgi paytda hajmi bo‘yicha eng katta Xiaomi smartfoni, deya xabar beradi “Mobinfo.uz”.
Smartfon displeyi Gorilla Glass 4 shishasi bilan qoplangan. Gadjet Adreno 510 grafik tezlashtirgichi, 3 gigabayt tezkor va 64 gigabayt ichki xotirali 6-yadroli Qualcomm Snapdragon 650 protsessoriga ega. Quick Charge 3.0 tez quvvatlantirish xizmati va barmoq izlarini olish skaneri bilan jihozlangan.
Suratlar sifati uchun 16 megapikselli asosiy va 5 megapikselli frontal kameralar javob beradi. 4850 amper/soatli quvvatga ega akkumulyator 13 soat davomida onlayn-video ko‘rishga imkon beradi. Smartfon Android 6.0 Marshmallow’da ishlaydi.
Xiaomi Mi Max Toshkentda 2,2 million so‘mdan taklif etilmoqda.
Ushbu qurilmani ko‘rsatilgan narxda sotib olishga “Daryo” nashri kafolat bermaydi. Qurilma va uning narxi haqidagi axborot faqat tanishish uchun taqdim etilgan.
Izoh (0)