Amerikaning Capstone Turbine Corporation kompaniyasi O‘zbekistondagi qator gaz qazib chiqaruvchi obyektlar uchun elektr stansiyalari yetkazib beradi, deb yozadi UzDaily.
Capstone Turbine Corporation’ning Rossiyadagi eng yirik distribyutori — “BPS Injiniring” “O‘zbekneftgaz” Milliy xolding kompaniyasining qator gaz qazib chiqaruvchi obyektlari uchun ENEX elektr stansiyalarini tayyorlash va yetkazib berish bo‘yicha shartnoma imzoladi.
O‘zbekistonning “Sho‘rtan” siquv-kompressor stansiyasiga yaqin vaqtlar ichida Rossiyaning ikkita 1000 kVt elektr quvvatiga ega ENEX 1000 mikroturbin elektr stansiyalari o‘rnatiladi. “Sho‘rtanneftgaz” unitar sho‘ba korxonasining yana uchta konida bitta ENEX 65 va uchta ENEX 130 elektr stansiyalari ishlatiladi.
Ishlab chiqarilgan elektr energiyasi gaz obyektlarining o‘z ehtiyojlari uchun foydalaniladi. Shartnoma doirasida yetkazib beriladigan elektr stansiyalarining jami quvvati — 2455 kVt.
Izoh (0)