VimpelCom kompaniyasi O‘zbekistondagi shu’basi — Unitel’ning asosiy litsenziyasi amal qilishi keyingi 15 yilga uzaytirilganini ma’lum qildi. Bu haqda “Gazeta.uz” xabar bermoqda.
Tarmoq tartibga soluvchisi tomonidan mobil aloqasini loyihalashtirish, qurish, foydalanish va xizmat ko‘rsatish litsenziyasining amal qilish muddatini uzaytirish haqidagi qaror 2016-yil may oyida taqdim etilgan ariza, shuningdek, kompaniyaning o‘z telekommunikatsiya tarmog‘ini yanada rivojlantirish bilan bog‘liq rejalariga asosan qabul qilingan.
O‘zbekistonda Beeline savdo belgisi ostida faoliyat ko‘rsatayotgan va 9,5 million abonentga xizmat ko‘rsatayotgan xalqaro kompaniya o‘z axborotida O‘zbekistonni muhim bozor, deya atagan.
VimpelCom 2006-yildan beri O‘zbekistonga1 milliard dollardan ortiq investitsiya kiritgan va summasi 950 million dollardan ortiq soliqlarni to‘lagan.
Unitel kompaniyasiga 1996-yilga asos solingan bo‘lib, 2006-yili u VimpelCom tarkibiga kirgan.
Izoh (0)