AQSh strategik qo‘mondonligi KXDR uchta o‘rta masofadagi ballistik raketa uchirganini qayd etdi, biroq ular Amerika milliy xavfsizligiga tahdid tug‘dirmaganini bildirmoqda. Bu haqda 18 iyul, dushanba kuni Pentagon matbuot xizmati ma’lum qildi, deya xabar beradi “TASS”.
“Biz Shimoliy Koreya jami uchta — Scud turkumidagi ikkita va bitta “Nodon” ballistik raketalarini uchirgan deb hisoblaymiz. Ular strategik qo‘mondonlik tizimlari tomonidan payqalgan. Raketalar Qo‘shma Shtatlar xavfsizligi uchun tahdid tug‘dirmadi”, — deyiladi matbuot xizmati xabarida.
Janubiy Koreya qurolli kuchlar shtablari boshliqlari qo‘mitasiga ko‘ra, KXDR ballistik raketalari Xvanxe-Pukto provinsiyasidan uchirilgan.
Izoh (0)