БМТ Суриянинг Ливан билан чегарасидаги Сергая шаҳрида яшовчи 15 минг аҳоли учун гуманитар ёрдам етказди. Бу ҳақда 19 июль, сешанба куни бош котиб расмий вакили ўринбосари Фарҳан Ҳақ маълум қилди, дея хабар беради «ТАСС».
«Агентликларимиз томонидан ташкил этилган автоколонна бориш қийин бўлган Сергая шаҳридаги 15 минг киши учун ўта зарур бўлган ёрдамни етказди. Юк машиналари озиқ-овқат маҳсулотлари, дори-дармон, гигиена буюмлари, болалар учун таълим тўпламларини олиб келган. Охирги бор ушбу шаҳарга 2016 йил февралида ёрдам етказилганди», — дея таъкидлади Фарҳан Ҳақ.
Маълумот учун, йил бошидан бери Суриянинг қамалдаги ва бориш қийин бўлган ҳудудларида яшовчи салкам 1 миллион аҳоли гуманитар ёрдам олган.
Изоҳ (0)