Olmaotadagi otishmalarda halok bo‘lganlarning oilasiga 15 million tenge (45 ming dollar), jabrlanganlarga 5 million tengedan (15 ming dollar) moddiy yordam ajratiladi. Bu haqda shahar ma’muriyatiga tayanib, “TASS” xabar bermoqda.
Shahar ichki ishlar departamenti rasmiy vakili Saltanat Azimbekka ko‘ra, 60 oylik o‘rtacha maosh miqdorida bir yo‘la beriladigan tovon puli, shuningdek, dafn marosimlari xarajatlarining qoplanishi ham ko‘zda tutilgan.
19-iyul, seshanba kuni Olmaota va Ostona politsiyachilari bir kunlik maoshlarini halok bo‘lgan hamkasblarining oilalariga o‘tkazib berdi.
Eslatib o‘tamiz, 18-iyul kuni Olmaotada noma’lum shaxslar Qozog‘iston Milliy xavfsizlik qo‘mitasi Olmaota shahar departamenti va shaharning Almali tumani politsiya departamenti binolariga hujum uyushtirgan edi. Oqibatda besh kishi, jumladan, uch nafar politsiyachi halok bo‘ldi. Sakkiz kishi yaralandi, ulardan olti nafari politsiya xodimidir.
Izoh (0)