Turkiya rasmiylari Gretsiyadan siyosiy boshpana so‘ragan to‘ntarish tarafdorlarini qaytarishni so‘ramoqda. Bu haqda mamlakat tashqi ishlar vaziri Mevlyut Chavusho‘g‘li ma’lum qildi, deya xabar beradi “Gazeta.ru”.
“Gretsiyaga vertolyotda qochgan sakkiz nafar xoinni zudlik bilan qaytarishni so‘raymiz”, — deya yozgan vazir Twitter’dagi sahifasida.
Oldinroq bortida to‘ntarish tarafdorlaridan iborat 8 kishi bo‘lgan Black Hawk vertolyoti Gretsiyaning Aleksandrupolis shahriga qo‘ngani, isyonchilar mamlakat rasmiylaridan siyosiy boshpana so‘ragani bildirilgandi.
Eslatib o‘tamiz, 16-iyulga o‘tar kechasi Turkiyada harbiy to‘ntarishni amalga oshirishga urinishda 200 ga yaqin kishi halok bo‘ldi, 2800 dan ortiq harbiy hibsga olindi.
Izoh (0)