Turkiyada harbiy to‘ntarishga urinish chog‘ida kamida 194 kishi halok bo‘ldi. Bu haqda rasmiy Anqaraga tayanib, The Washington Post ma’lum qildi, deb yozmoqda “Interfaks”.
Ulardan 104 nafari isyonchilardir. Bundan tashqari, 41 politsiyachi, ikki harbiy va 47 fuqaro halok bo‘ldi.
Harbiy to‘ntarishga urinishda gumonlanib, hozirgacha 1500 dan ortiq kishi hibsga olindi.
Ayni vaqtda Rajab Toyyib Erdo‘g‘on tarafidagi harbiylar to‘ntarish tashkilotchilari nazoratidagi obyektlarni qaytarib olishga urinmoqda. Bunday obyektlar soni kamayib borayotgani xabar qilinmoqda.
Izoh (0)