Turkiya Bosfor bo‘g‘ozini tankerlar o‘tishi uchun ochdi

Turkiya rasmiylari Bosfor bo‘g‘ozini tankerlar o‘tishi uchun ochdi. Bu haqda GAC kemalar operatori vakillari ma’lum qildi, deya xabar beradi “RBK”. 

“Tranzit kemalarining harakati me’yoriy ko‘rinishga kelmoqda”, — deyiladi operator xabarida. Oldinroq bo‘g‘oz xavfsizlik nuqtai nazaridan tankerlar qatnovi uchun yopilgan, boshqa turdagi kemalarga esa ruxsat berilgandi. 

16-iyul, shanbaga o‘tar kechasi Bosfor bo‘ylab o‘tgan ikki ko‘prikdagi harakat davlat to‘ntarishi ishtirokchilari bo‘lgan isyonchilar tomonidan berkitildi. Prezident tarafdorlari ko‘priklarni qamaldan ozod etishga uringan, biroq uddasidan chiqolmagandi.

Eslatib o‘tamiz, 16-iyulga o‘tar kechasi Turkiyada harbiy to‘ntarishni amalga oshirishga urinishda 200 ga yaqin kishi halok bo‘ldi, 2800 dan ortiq harbiy hibsga olindi.

• Turkiyadagi harbiy to‘ntarish