Turkiya bosh shtabi rahbari vazifasini vaqtincha bajaruvchi Umid Dundar harbiy to‘ntarishni amalga oshirishga urinishning asosiy tashkilotchilarini ma’lum qildi. Bu haqda Daily Sabah’ga tayanib, “Gazeta.ru” xabar bermoqda.
Uning so‘zlariga ko‘ra, tartibsizliklarning asosiy boshlovchilari Turkiya harbiy-havo kuchlari xizmatchilaridir.
Umid Dundar to‘ntarishga urinishni amalga oshirishga aloqadorlar jazolanishini aytib o‘tdi.
Oldinroq Turkiya qurolli kuchlari bosh shtabi harbiy to‘ntarishni amalga oshirishga urinish chog‘ida isyonchilar tarafidagi kamida 104 nafar harbiy halok bo‘lganini ma’lum qilgandi.
Turkiya davlat OAVlari ma’lumotiga ko‘ra harbiy to‘ntarishga urinish oqibatida qurbon bo‘lganlar soni 90 kishiga yetdi, 1,1 ming kishi yaralandi.Shu paytga qadar to‘ntarishga aloqador 1563 kishi hibsga olingani haqida ma’lumot bor. 200 ga yaqin askar va zobit hukumatga taslim bo‘lgani aytilmoqda.
Izoh (0)