IShID terrorchilik guruhi Fransiyaning Nitssa shahrida yuz bergan terakt uchun javobgarlikni zimmasiga oldi. Bu haqda terrorchilarning OAVlariga tayanib, Al Jazeera telekanali xabar bermoqda, deb yozadi “RIA Novosti”.
Nitssadagi terakt 14-iyul kuni kechqurun sodir bo‘ldi. Bastiliya ishg‘ol qilingan kun munosabati bilan bayramona mushakbozlikni tomosha qilishga yig‘ilgan kishilarni yuk mashinasi bosib ketdi. Guvohlarning so‘zlariga ko‘ra, yuk mashinasi odamlarni deyarli ikki kilometr yo‘l davomida bosib o‘tgan. Bundan tashqari, haydovchi odamlarga o‘q uzgan. Hodisa natijasida 84 kishi halok bo‘ldi, yuzlab kishilar jabrlandi.
Politsiyachilar terrorchini yo‘q qildi. Politsiya teraktni sodir etgan shaxs Nitssada yashovchi, kelib chiqishi tunislik bo‘lgan Muhammad Luxuayej Buxlel ekanligini aniqladi.
Avvalroq Fransiya OAVlaridagi tasdiqlanmagan ma’lumotlarga tayanib, Britaniyaning The Daily Mail gazetasi IShID terrorchilik tashkiloti hodisa uchun javobgarlikni zimmasiga olganini xabar bergandi.IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)