13-iyul kuni bir qator Rossiya OAVlari rossiyalik xakerlar, go‘yoki 40 millionta iCloud akkauntiga kirish imkoniyatini qo‘lga kiritgani haqida xabar berdi. TJournal yozishicha, hodisa manbasi haqiqiyligi shubha uyg‘otadi, mish-mish muallifining o‘zi ham noto‘g‘ri ma’lumotlarni keltirib o‘tgan bo‘lishi mumkinligini aytdi.
Nashrlar iOS foydalanuvchilarining ko‘pchiligi xakerlar tomonidan tovlamachilikka uchraganini ma’lum qildi. Parolni qo‘lga kiritgach, xakerlar qurilmani bloklab qo‘ygan, so‘ng ekranga 30 dan 100 dollargacha bo‘lgan to‘lovni amalga oshirish talab qilingan xabarni chiqargan.
Ehtimoliy hodisa haqida birinchi bo‘lib CSO Online xabar berdi, ammo u 40 millionta akkaunt hujumga uchraganini nafaqat tasdiqlamadi, balki ushbu axborotni “og‘izdan-og‘izga o‘tib yurgan mish-mish” deb atadi. Ushbu raqam esa nashr muallifiga elektron pochta orqali kelgan, ammo u xatni kim yuborgani va u haqiqatga qanchalik to‘g‘ri kelishiga aniqlik kiritmadi.
CSO Online muallifi bunday holatlarning barchasi fishing hujumlari (bunda parol iCloud’ning o‘ziga hujum qilmagan holda qo‘lga kiritiladi) natijalari bo‘lishi mumkinligini ta’kidladi.
Izoh (0)