13 июль куни бир қатор Россия ОАВлари россиялик хакерлар, гўёки 40 миллионта iCloud аккаунтига кириш имкониятини қўлга киритгани ҳақида хабар берди. TJournal ёзишича, ҳодиса манбаси ҳақиқийлиги шубҳа уйғотади, миш-миш муаллифининг ўзи ҳам нотўғри маълумотларни келтириб ўтган бўлиши мумкинлигини айтди.
Нашрлар iOS фойдаланувчиларининг кўпчилиги хакерлар томонидан товламачиликка учраганини маълум қилди. Паролни қўлга киритгач, хакерлар қурилмани блоклаб қўйган, сўнг экранга 30 дан 100 долларгача бўлган тўловни амалга ошириш талаб қилинган хабарни чиқарган.
Эҳтимолий ҳодиса ҳақида биринчи бўлиб CSO Online хабар берди, аммо у 40 миллионта аккаунт ҳужумга учраганини нафақат тасдиқламади, балки ушбу ахборотни «оғиздан-оғизга ўтиб юрган миш-миш» деб атади. Ушбу рақам эса нашр муаллифига электрон почта орқали келган, аммо у хатни ким юборгани ва у ҳақиқатга қанчалик тўғри келишига аниқлик киритмади.
CSO Online муаллифи бундай ҳолатларнинг барчаси фишинг ҳужумлари (бунда пароль iCloud’нинг ўзига ҳужум қилмаган ҳолда қўлга киритилади) натижалари бўлиши мумкинлигини таъкидлади.
Изоҳ (0)