Kembridj universitetining bir guruh tadqiqotchilari Facebook ijtimoiy tarmog‘iga joylangan fotosuratlarga qarab, kishining aqliy qobiliyati darajasini aniqlash imkonini beruvchi algoritm yaratdi, deb yozadi “Hi-tech.mail.ru”.
Tadqiqotchilar tahlil uchun bir guruh kishilarning ijtimoiy tarmoqdagi fotosuratlari va IQ sinovi natijalaridan foydalandi. Olimlar IQ darajasi past bo‘lib chiqqan ishtirokchilarning suratlarini o‘rganib, ulardagi past intellekt belgilarini aniqlashga urindi. Ular yuz ifodasi, gavda holati, kiyim va kadrdagi boshqa obyektlarni ham hisobga oldi.
Ko‘zoynak aqllilik belgisi ekanligi yoki kishining yuzi kadrga katta bo‘lib tushib qolishi aqlsizlik belgisi ekanligi — noto‘g‘ri bo‘lib chiqdi.
Ammo IQ ko‘rsatkichi yuqori bo‘lgan foydalanuvchilarning ko‘pchiligi ijtimoiy tarmoq uchun fotosurat tanlashga mas’uliyat bilan yondashadi. Ularning suratlarida yuz markazda bo‘ladi, kadrda orqa planda ko‘pincha boshqa odamlar va obyektlar bo‘lmaydi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)