Rossiyaning Saratov shahrida istiqomat qiluvchi 47 yoshli erkakka nisbatan keksa onasini o‘ldirishda gumon qilinib, jinoiy ish ochildi. Tergov taxminiga ko‘ra, u mast holatda volidasi ustidan benzin quyib, yoqib yuborgan. Bu haqda Rossiya Tergov qo‘mitasining viloyat boshqarmasi saytida ma’lum qilindi.
Hodisa 10-iyulda Saratovning Zavod tumanidagi xususiy uyda ro‘y berdi. Keksa ayol bu yerda qo‘shnisi bilan birga bo‘lgan. U va o‘g‘li o‘rtasida ayol spirtli ichimlikka pul bermaganligi tufayli janjal chiqqan. Shundan so‘ng erkak uyga benzin to‘kib, yoqib yuborgan.
Yong‘in chog‘ida mehmon ayol uydan chiqib olishga ulgurgan, qariya esa chiqib ketolmagan va halok bo‘lgan. Erkak kuyish jarohatlari bilan tibbiy muassasaga yotqizildi. Davolanish yakunlanganidan so‘ng uni qamoqqa olish masalasi hal etiladi.
Izoh (0)