Sharqiy Xitoydagi Futszyan provinsiyasida “Nepartak” to‘foni oqibatida to‘qqiz kishi halok bo‘ldi, deya xabar bermoqda “TASS” Xitoy Markaziy televideniyesiga tayanib. Yana 18 kishi bedarak yo‘qoldi.
Ofat hududida jami 450 dan ziyod kishi to‘fondan u yoki bu darajada jabr ko‘rdi. Hukumat 213 mingga yaqin kishini evakuatsiya qildi.
Provinsiyada 900 ga yaqin uy vayron bo‘ldi, 11 mingdan ortig‘i zarar ko‘rdi. To‘fon oqibatlari natijasida yetgan zarar 134 million dollarga baholanmoqda.
To‘fon 8-iyul, juma kuni ertalab Tayvanning sharqiy qismiga yopirildi, Xitoyga esa tropik bo‘ronga aylangan holda 9-iyul kuni kirib keldi.
Izoh (0)