Yaponiyadagi parlament saylovlarida hukmron koalitsiya yuqori palatada 69, muxolifat esa 55 o‘ringa ega bo‘ldi. Koalitsiyaga kiruvchi bosh vazir Sindzo Abe boshchiligidagi Liberal-demokratik partiya 55, o‘ngmarkazchi “Komeyto” partiyasi esa 14 mandatni oldi. Bu haqda “Vedomosti” xabar bermoqda.
Saylovlarda 242 mandatdan yarmisining taqdiri hal bo‘ldi. Ovoz berish natijalariga ko‘ra va hali hal bo‘lmagan o‘rinlarni inobatga olganda, hukmron koalitsiya Konstitutsiyani isloh qilish uchun yetarli ko‘pchilik — 145 o‘rinni qo‘lga kiritdi. Saylovgacha esa 135 o‘ringa egalik qilayotgandi.
Ovoz berishda ilk bor 18—19 yoshli saylovchilar ishtirok etdi. Ular o‘tgan yili saylov haqidagi qonunchilikka o‘zgartirish kiritilgach shunday huquqqa ega bo‘ldi.
Izoh (0)