Россиянинг Саратов шаҳрида истиқомат қилувчи 47 ёшли эркакка нисбатан кекса онасини ўлдиришда гумон қилиниб, жиноий иш очилди. Тергов тахминига кўра, у маст ҳолатда волидаси устидан бензин қуйиб, ёқиб юборган. Бу ҳақда Россия Тергов қўмитасининг вилоят бошқармаси сайтида маълум қилинди.
Ҳодиса 10 июлда Саратовнинг Завод туманидаги хусусий уйда рўй берди. Кекса аёл бу ерда қўшниси билан бирга бўлган. У ва ўғли ўртасида аёл спиртли ичимликка пул бермаганлиги туфайли жанжал чиққан. Шундан сўнг эркак уйга бензин тўкиб, ёқиб юборган.
Ёнғин чоғида меҳмон аёл уйдан чиқиб олишга улгурган, қария эса чиқиб кетолмаган ва ҳалок бўлган. Эркак куйиш жароҳатлари билан тиббий муассасага ётқизилди. Даволаниш якунланганидан сўнг уни қамоққа олиш масаласи ҳал этилади.
Изоҳ (0)