AQSh Adliya vazirligi Facebook’dan mazkur kompaniyaning mamlakatda soliq to‘lashdan bo‘yin tovlashi yuzasidan olib borilayotgan tekshiruv o‘tkazayotgan Ichki daromadlar xizmati bilan hamkorlik qilishini talab etdi. Bu haqda CNN telekompaniyasiga asoslanib, “TASS” xabar bermoqda.
Telekompaniya ixtiyoriga kelib tushgan, vazirlik sudga yuborgan da’vo arizasiga tayanmoqda. Hujjat 2010-yilgi voqealarga taalluqli bo‘lib, o‘shanda Facebook Irlandiyadagi filialiga aktivlarining bir qismiga egalik huquqini bergandi.
AQSh Ichki daromadlar xizmati (IDX) Ernst & Young auditorlik kompaniyasini soliq to‘lashdan qochish ishida sheriklikda aybladi. Kompaniya Facebook aktivlarini baholash uchun vakolatli bo‘lgan va ularning qiymatini “milliardlab dollar”ga pasaytirgan. IDX o‘zining gumonlarini tasdiqlash yoki rad etish uchun Facebook’dan moliyaviy hujjatlarni olishga bir necha bor urindi.
Xizmat vakili Nina Vu Stounning bildirishicha, iyun oyining o‘zida oltita shunday so‘rov jo‘natilgan, biroq Mark Sukerberg yetakchiligidagi kompaniya ularga bo‘ysunmagan. Endi mazkur ishga AQSh Adliya vazirligi aralashdi.
Izoh (0)