Mashinalarga zarar yetkazgan Toshkent shamoli, Hayit sabab 3:30 dan yo‘lga chiqadigan avtobus va metrolar, Yupiterga yetib borgan Juno va kunning boshqa muhim yangiliklari

5-iyulning e’tiborga molik yangiliklari — “Daryo”ning kechki dayjestida.

1. Toshkentda Hayit munosabati bilan avtobuslar ham 6-iyul kuni 3:30 dan ish boshlaydi. Avvalroq metropoliten eshiklari shu vaqtda ochilishi haqida xabar berilgan edi.

2. Google Yupiterga yetib borgan Juno sayyoralararo stansiyasi sharafiga dudl yaratdi. Besh yil davomida Yupiterga qarab uchgan Juno stansiyasi yaqindagina gazli gigant orbitasiga chiqdi va endi uning atrofida 5 km masofada aylanadi

3. Toshkentda 5-iyul kuni kuzatilgan kuchli shamol avtomobillarga zarar yetkazdi. Markaziy bank bosh binosi yaqinida, Nuroniylar ko‘chasida Chevrolet Gentra avtomobili ustiga daraxt shoxlari tushib, avtomobilga jiddiy zarar yetkazgan.

4. O‘zbekistonda spirtli ichimliklar idishiga uning zarari haqida yoziladi. Butilkalarda alkogolning organizm uchun zarari haqida ogohlantiruvchi yozuvlar paydo bo‘ladi.

5. Ehtiyot bo‘ling, piyodalar! Toshkent chorrahalariga o‘rnatilgan kameralar yozib olgan piyodalar ishtirokidagi avariyalar.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.