Toshkent shahrida 5-iyul, seshanba kuni soat 13:30—14:15 oralig‘ida kuzatilgan kuchli shamol avtomobillarga zarar yetkazdi. Bu haqda Facebook’dagi “Voditeli Tashkenta (Drivers.uz)” guruhida, Telegram messenjeridagi ommabop guruhlarda fotoxabarlar qoldirilgan.
Xususan, “Chilonzor” metro bekati yaqinidagi Integro majmuasi ostidagi avtomobillar ustiga reklama bannerlari tushib ketgani aytilmoqda.
Hodisa guvohlarining ta’kidlashicha, hodisa natijasida “Jiguli” va “qora chet el mashinasi” zarar ko‘rgan.
Bundan tashqari, Markaziy bank bosh binosi yaqinida, Nuroniylar ko‘chasida Chevrolet Gentra avtomobili ustiga daraxt shoxlari tushib, avtomobilga jiddiy zarar yetkazgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)