Ramazon Hayiti nishonlanadigan 6-iyul, chorshanba kuni O‘zbekistonning faqat tog‘li hududlarida yog‘ingarchilik kutiladi. Bu haqda “O‘zgidromet” markazi xabar bermoqda.
Xabar berishlaricha, 6-iyulga o‘tar kechasi O‘zbekistonning tog‘li hududlarida +10...+15 daraja, Toshkent shahrida +18...+20 daraja, qolgan hududlarda +23...+25 darajagacha iliq bo‘ladi.
Chorshanba kuni kunduzi tog‘li joylarda havo harorati +20...+25 daraja, Farg‘ona vodiysi viloyatlari va Toshkent shahrida +35 darajagacha, Qashqadaryo va Surxondaryo viloyatlarida +40 darajagacha, qolgan hududlarda +38 darajagacha issiq bo‘ladi.
6-iyulga o‘tar kechasi va 6-iyul kuni kunduzi O‘zbekistonning tog‘li hududlarida qisqa muddatli yomg‘ir yog‘ishi va momaqaldiroq bo‘lishi ehtimoli bor.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)