Eron tashqi ishlar vaziri Muhammad Javod Zarif Saudiya Arabistonidagi teraktlar, xususan, Madinadagi Muhammad (s.a.v.) masjidi yaqinida sodir etilgan portlashni keskin qoraladi. Bu haqda “TASS” xabar bermoqda.
“Terrorchilar kesib o‘tmagan hech qanday qizil chiziq boshqa qolmadi. Sunniylar ham, shialar ham ularning qurboniga aylanmoqda”, — deya yozgan u Twitter’dagi sahifasida. Eron diplomatiyasi rahbari barcha musulmonlarni terrorchilikka qarshi kurashda birlashishga chaqirdi.
Eslatib o‘tamiz, Saudiya Arabistonida shia ulamosi Nimr an-Nimr qatl etilgani va namoyishchilar Ar-Riyodning Tehrondagi elchixonasiga bostirib kirganidan so‘ng ikki mamlakat o‘rtasidagi diplomatik aloqalar uzilgan.
Izoh (0)