Tanzaniyada ikki avtobus ishtirokidagi yo‘l-transport hodisasida kamida 30 kishi halok bo‘ldi, 40 dan ortiq kishi jarohat oldi. Bu haqda “Sinxua” agentligiga tayanib, “RIA Novosti” xabar bermoqda.
“Halokat City Boy transport kompaniyasining qarama-qarshi yo‘nalishda harakatlanayotgan ikkita 60 o‘rinli avtobusi Maveni qishlog‘ida bir-biri bilan to‘qnashib ketishi tufayli ro‘y berdi. Jarohatlanganlarning ko‘pchiligi og‘ir ahvolda, qurbonlar soni ortishi mumkin”, — deya ta’kidladi mahalliy politsiya rahbari Tobias Sadoyeki.
Politsiya yo‘l-transport hodisasi sababini o‘rganmoqda.
Izoh (0)