Ispaniyaning “Real” futbol klubi noqununiy ravishda yer savdo-sotig‘ini amalga oshirgani uchun Madrid g‘aznasiga 18,2 million yevro qaytarishi kerak. Bu haqda, The Financial Times nashriga tayanib, “TASS” xabar bermoqda.
1998-yili “Real” sobiq mashg‘ulotlar majmuasining bir qismini shahar ixtiyoriga topshirdi va Madridning boshqa tumanlarida, shu jumladan, klubning uy stadioni “Santyago Bernabeu” yaqinida yer oldi. O‘sha paytda yer narxi 488 ming yevroni tashkil etardi. 2011-yilda ushbu yerlar “jamoat makoni” deb tan olinganidan so‘ng “Real” yerlarni qaytarishi va sotib yubormasligi kerak edi. Natijada mahalliy hukumat yerlarni qaytarish uchun 22,7 million yevro to‘ladi.
Qayd etilishicha, Yevropa Ittifoqi mazkur kelishuvni noto‘g‘ri deb topib, yerlarni 12,2 million yevroga baholadi va noqonuniy daromad topgani uchun “Real”ni shahar budjetiga 18,2 million yevro to‘lashga majburladi.
Ispaniya klublarining davlat tomonidan noqonuniy yordam olish yuzasidan intizomiy ishlar 2013-yili ochildi. “Real”dan tashqari “Barselona”, “Osasuna”, “Atletik”, “Valensiya”, “Elche” va “Erkules” jamoalari ham bu ishlarga aloqadorligi ma’lum qilindi.
Izoh (0)