Mark Sukerberg Gavayidagi uyi atrofini ikki metrli devor bilan o‘rab olib, qo‘shnilarining jahlini chiqardi, axir devor ular uchun okean manzarasini to‘sib qo‘ydi, deb yozadi TJournal.
Sukerbergning dang‘illama hovlisi atrofida 2016-yilda ikki metrli devor qad ko‘tardi, bu uning Gavayidagi qo‘shnilari g‘azabiga uchradi. Ular devor ko‘ngilni xira qilib, okean manzarasini to‘sib qo‘yayotganidan shikoyat qildi.
2014-yilda Sukerberg Kauai orolidan 100 million dollarga 300 gektar yer maydoni sotib oldi. O‘z xavfsizligidan tashvishlanib, keyinroq u yer maydoniga tutashgan yana ikkita hududni 30 million sarflab, xarid qildi. Sukerberg o‘z hovlisi atrofida baland binolar qurilishini istamas edi (ularning derazasidan uning uyi ko‘rinishi mumkin).
Devor qurilishi Facebook asoschisi so‘nggi paytlarda kuchaytirayotgan xavfsizlik choralaridan biri bo‘ldi. Ijtimoiy tarmoqning ruhiy beqaror foydalanuvchilarining do‘q-po‘pisalari uni bunday qadam tashlashga majbur etdi.
Izoh (0)