Istanbuldagi Otaturk nomli xalqaro aeroportdagi terakt qurbonlari salkam 50 kishiga yetdi. Bu haqda yuqori martabali turk mansabdoriga tayanib, Sky news ma’lum qildi, deya xabar beradi “Interfaks”.
“Aeroportdagi portlashlarda salkam 50 kishi halok bo‘ldi. Portlashlarga to‘rt kishi aloqador bo‘lishi mumkin. Terakt ortida IShID turgan bo‘lishi ehtimoli yuqori”, — deya ta’kidlagan o‘zini oshkor etishni istamagan mansabdor.
Eslatib o‘tamiz, oldinroq Istanbul gubernatori aeroportdagi portlashlarda 28 kishi qurbon bo‘lgani, 60 kishi jarohatlanganini ma’lum qilgandi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)