Марк Цукерберг Гавайидаги уйи атрофини икки метрли девор билан ўраб олиб, қўшниларининг жаҳлини чиқарди, ахир девор улар учун океан манзарасини тўсиб қўйди, деб ёзади TJournal.
Цукербергнинг данғиллама ҳовлиси атрофида 2016 йилда икки метрли девор қад кўтарди, бу унинг Гавайидаги қўшнилари ғазабига учради. Улар девор кўнгилни хира қилиб, океан манзарасини тўсиб қўяётганидан шикоят қилди.
2014 йилда Цукерберг Кауаи оролидан 100 миллион долларга 300 гектар ер майдони сотиб олди. Ўз хавфсизлигидан ташвишланиб, кейинроқ у ер майдонига туташган яна иккита ҳудудни 30 миллион сарфлаб, харид қилди. Цукерберг ўз ҳовлиси атрофида баланд бинолар қурилишини истамас эди (уларнинг деразасидан унинг уйи кўриниши мумкин).
Девор қурилиши Facebook асосчиси сўнгги пайтларда кучайтираётган хавфсизлик чораларидан бири бўлди. Ижтимоий тармоқнинг руҳий беқарор фойдаланувчиларининг дўқ-пўписалари уни бундай қадам ташлашга мажбур этди.
Изоҳ (0)